14 Август 2025 jıl
74
Bozataw rayonı “Aspantay” APJ “Porlıtaw” elatı aymaǵında jaylasqan 12-sanlı ulıwma orta bilim beriw mektebinde aymaqta jasawshı hayal-qızlar arasında psixologiyalıq trening ótkerildi.
Ilajǵa Bozataw rayonı IIB baslıǵı polkovnik U.Kurbanbaeva, rayon hákiminiń orınbasarı, shańaraq hám hayal-qızlar bólimi baslıǵı A.Xojageldieva, psixolog xızmetkerler, sonday-aq, aymaqta jasawshı hayal-qızlar qatnastı. Treningte hayal-qızlarǵa turmıstıń mashaqatlı táshwishlerin jeńiwde kúsh-ǵayrat beriwshi psixologiyalıq shınıǵıwlar ótkerildi. Shańaraqta hayal úydiń uyıtqısı ekenligi, hár bir hayal óz shańaraǵında tınıshlıqtı hám awızbirshilikti saqlawı óz qolında ekenligi túsindirildi. Hayal-qızlar psixologiyalıq treningten úlken tásirler aldı. Ilaj dawamında belsendi hayal-qızlar shólkemlestiriwshiler tárepinen múnásip xoshametlendi. Bunnan soń, hayal-qızlar menen jeke sáwbetlesiwler alıp barıldı hám olardıń pikir usınısları tıńlandı.
