13 Апрел 2025 jıl
940
Qaraqalpaqstan Respublikası Ishki isler ministriniń gezektegi jeke qabıllawı ótkerildi
Puqaralardıń turmıslıq mashqalaları
menen mútájliklerin sheshiw, xalıq penen ashıq, tikkeley pikirlesiwdi kúsheytiw
búgingi kúnniń áhmietli wazıypalarınan biri bolıp esaplanadı. Xalıqtıń
múrájatların tıńlaw, úyreniw hám sheshiw maqsetinde Qaraqalpaqstan Respublikası
Ishki isler ministri polkovnik Baxtiyar Torebekovtıń gezektegi jeke qabıllawı
ótkerildi. Onda hár qıylı temadaǵı múrájatlar tıńlandı. Jeke qabıllaw dawamında 41 puqaranıń
múrájatları qabıl etilip, hár bir múrájat boyınsha puqaralardıń mashqalaları
tıńlanıp, kópshilik múrájatlar ornında sheshildi. úyreniw jumısların talap
etiletuǵınlarına múddet belgilenip, orınlanıwı boyınsha tiyisli juwapkerlerge
tapsırmalar berildi.
Qaraqalpaqstan Respublikası IIM
Málimleme xızmeti
