10 Апрел 2025 jıl
966
"Xalqımızdıń qáwipsizligi, tınıshlıǵı hám tatıwlıǵın saqlaw eń tiykarǵı wazıypamız!" súreni astında ótkerilip atırǵan "Ruwxıylıq aylıǵı" sheńberinde, Sahıpqıran Ámir Temur tuwılǵan kúniniń 689 jıllıǵı elimiz boylap keńnen belgilenbekte.
Ózbekstan Respublikası Ishki isler ministrliginiń Qaraqalpaq akademiyalıq liceyinde sáne múnásibeti menen "Sahibqıran Ámir Temur - ullı mámleketlik ǵayratker" atamasında ruwxıy-aǵartıwshılıq ilaj bolıp ótti. Ilajda ullı ata-babalarımızdıń tulǵasına joqarı húrmet kórsetiw, atap aytqanda, dúnya rawajlanıwına sheksiz úles qosqan, mártlik hám ádillik tımsalı sıpatında ulıǵlanatuǵın Ámir Temurdıń ómiri hám jumısın úyreniwge tek ǵana ózimizde emes, al xalıqaralıq kólemde de qızıǵıwshılıq úlken ekeni atap ótildi. "Temur túzikleri" shıǵarması jaslardı watansúyiwshilik, milliy ǵárezsizlik ideyalarına sadıqlıq ruwxında tárbiyalawda úlken áhmietke ie ekeni atap ótildi.
