Usı jıldıń 22-avgust kúni Respublikamızdıń Bozataw, Kegeyli hám de Nókis rayonlarında Qaraqalpaqstan Respublikası Ishki isler organlarında kóp jıllar dawamında nátiyjeli miynet etken miynet nuraniyları menen ushırasıw shólkemlestirildi

Ushırasıwda Qaraqalpaqstan Respublikası Ishki isler ministriniń keńesgóyi Orınbay Turdakov, ministrliktiń Ruwxıy aǵartıwshılıq isleri hám kadrlar menen támiyinlew xızmeti baslıǵınıń orınbasarı podpolkovnik Madjidov Abdumalik Abduazimovich hám de ministrliktiń Nuraniyler keńesi baslıǵı Farxad Sankibaevlar qatnastı.

Dáslep Bozataw rayonı Ishki isler bóliminde ministrliktiń Ruwxıy aǵartıwshılıq isleri hám kadrlar menen támiyinlew xızmeti baslıǵınıń orınbasarı podpolkovnik Madjidov Abdumalik Abduazimovich sózge shıǵıp barlıq Nuraniylerdi sonıń menen birge jıynalǵan jeke quramdı Ózbekstan Respublikası Ǵárezsizliginiń 33 jıllıq bayramı menen shın júrekten qızǵın qutlıqladı.

Sonnan keyin ilaj dawamında Qaraqalpaqstan Respublikası Ishki isler ministriniń keńesgóyi Orınbay Turdakov sózge shıǵıp óziniń pikir hám usınısların bildirip Nuraniyler mudamı húrmet hám itibarda ekenligin bildirip olarǵa Nurániyler keńesiniń kókirek belgisin hám húrmet jarlıqların saltanatlı túrde tapsırdı.

Sonıń menen birge ilaj qatnasıwshıları Kegeyli hám de Nókis rayonlarında Nuraniyler menen ushırasıp olardıń shańaraq aǵzalarına sawlıq salamatlıq tilep Núraniyler keńesiniń húrmet jarlıǵı hám qımbat baha sawǵaları tapsırdı. Bunday ilajlar respublikamız boylap dawam etedi.

Qaraqalpaqstan Respublikası IIM Málimleme xızmeti