Nókis qalasında Qaraqalpaqstan Respublikası Ishki isler ministri basshılıǵında "Qáwipsiz hám salamat el" operativ-profilaktikalıq ilajı hám "Hámkor" ilajları sheńberinde Ishki isler uyımları, Milliy gvardiya xızmetkerleriniń arnawlı jıyını ótkerildi.
Ózbekstan
Respublikası Ishki isler ministriniń 2025-jıl 9-aprel kúngi, sonday-aq,
Qaraqalpaqstan Respublikası Ishki isler ministriniń 14-aprel kúngi
"Qáwipsiz hám salamat el" operativ-profilaktikalıq ilajın ótkeriw
haqqındaǵı biyliklerine tiykarlanıp, 2025-jıldıń 15-aprel kúninen 15-may kúnine
shekem náshebentlik hám psixotrop zatlardıń nızamsız aylanısına qarsı gúresiw
boyınsha keń kólemli operativ-profilaktikalıq ilaj hám "Hámkor"
ilajları ótkerilmekte. Aylıq sheńberinde ámelge asırılatuǵın jumıslarına arnalıp Nókis qalasında
Qaraqalpaqstan Respublikası Ishki isler ministrligi, Ózbekstan Respublikası
Milliy gvardiyası QR boyınsha basqarması xızmetkerleriniń arnawlı jıyını
ótkerildi. Onda Qaraqalpaqstan Respublikası Ishki isler ministri tárepinen
xızmetkerlerge aylıq sheńberinde ámelge asırılatuǵın ilajlar, onda hár bir
xızmetkerdiń wazıypaları tolıq túsindirildi. Haqıyqatında da, náshebentlik hám
psixotrop zatlar insan ómiri hám densawlıǵı ushın oǵada qáwipli esaplanadı.
Sonıń ushın da bunday zatlardıń keń tarqalıwınıń aldın alıwda mine usınday
birgelikte ámelge asırılatuǵın ilajlardıń tutqan ornı áhmietli.
