Usı jıldıń 14-kúni Nókis qalalıq Ishki isler basqarmasında Qaraqalpaqstan Respublikası Ishki isler ministrligi Jámietlik qáwipsizlik xızmeti Huqıqbuzarlıqlar profilaktikası basqarması baslıǵınıń basshılıǵında jınayachılıq hám huqıqbuzarlıqlardıń aldın alıwǵa qaratılǵan jumıslar boyınsha gezektegi májilis bolıp ótti.

Májiliste profilaktika inspektorları qatnasıp, Nókis qalasında júz bergen jaǵdaylar tallanıp, jınayachılıqtıń aldın alıw, xalıq arasında huqıqıy mádeniyattı arttırıw, jámietlik tártipti saqlaw hám profilaktikalıq ilajlardı nátiyjeli shólkemlestiriw máseleleri dodalandı.

Sonday-aq, májilis dawamında bar mashqalalar hám olardı saplastırıw boyınsha anıq wazıypalar belgilep alındı. Hár bir aymaqta puqaralar menen birge islesiwdi kúsheytiw, profilaktika jumısların sapa jaǵınan jańa basqıshqa alıp shıǵıw boyınsha tapsırmalar berildi.

Nókis qalalıq Ishki isler basqarmasında Qaraqalpaqstan Respublikası Ishki isler ministrligi Jámietlik qáwipsizlik xızmeti Huqıqbuzarlıqlar profilaktikası basqarması baslıǵı tárepinen jınayachılıq hám huqıqbuzarlıqlardıń aldın alıw baǵdarındaǵı jumıslar boyınsha májilis ótkerildi.