Qaraqalpaqstan Respublikası Ishki isler ministrliginde gezektegi máripat sabaqlıǵı bolıp ótti
Usı
jıldıń 7-iyun kúni Qaraqalpaqstan Respublikası Ishki isler ministrliginde
gezektegi aǵartıwshılıq sabaqlıǵı bolıp ótti. Onda Qaraqalpaqstan Respublikası
ishki isler ministriniń orınbasarı podpolkovnik G.Eshimbetov qatnastı.
maǵlıwmat sabaqlıǵında "MÁMLEKETLIK GERB - ǴÁREZSIZLIK TIMSALÍ"
temasında jıynalǵan jeke quramǵa bayanat jasaldı. Bunnan soń Ózbekstan
Respublikası hám Jáhánde bolıp atırǵan jańalıqlar hám reformalar menen jeke
quram jaqınnan tanıstırıldı. aǵartıwshılıq sabaqlıǵınıń ekinshi bóliminde
xızmette ózin jaqsı tárepten kórsetken bir qatar xızmetkerlerge Ózbekstan
Respublikası Ishki isler ministriniń hámde Qaraqalpaqstan Respublikası Ishki
isler ministriniń tiyisli buyrıqlarına tiykarlanıp estelik sawǵaları hámde
gezektegi arnawlı ataqlar saltanatlı túrde tapsırıldı. Sabaqlıqtıń sońında
jıynalǵan jeke quramǵa ministrliktiń "Aral juldızlar" ansambliniń
qızıqshıları tárepinen házilge bay kúlkili háziller jeke quramǵa kórsetildi.
