Qaraqalpaqstan Respublikası Ishki isler ministriniń orınbasarı - Tergew basqarması baslıǵınıń gezektegi Kóshpeli qabıllawı bolıp ótti
Qaraqalpaqstan Respublikası Ishki
isler ministriniń orınbasarı - Tergew basqarması baslıǵı tárepinen fizikalıq
hám yuridikalıq táreplerdiń múrájatların kórip shıǵıw, puqaralardıń tarawǵa
baylanıslı mashqalalarına unamlı sheshim tabıw maqsetinde Shomanay rayonı Xalıq
qabıllawxanası imaratında Shomanay, Qanlıkól hám Qońırat rayonları puqaraları
ushın gezektegi Kóshpeli qabıllaw ótkerildi.
Kóshpeli qabıllaw dawamında tiykarǵı
itibar, múrájat penen kelgen puqaralardıń mashqalaların ornında sheshiw hám
olarǵa huqıqıy másláhátler beriwge qaratılıp, bul ushın juwapker
xızmetkerlerdiń qatnasıwı támiyinlendi.
Kóshpeli qabıllaw procesinde 15 ten
aslam puqaranıń sud-huqıq máseleleri boyınsha múrájatları qabıl etilip, olardıń
10 ı ornında unamlı sheshildi. Ayırım múrájatlardı úyreniw hám waqıt talap
etiliwin esapqa alıp, juwapker uyımlarǵa tiyisli tapsırmalar berilip,
orınlanıwı qadaǵalawǵa alındı hám múrájat ielerine huqıqıy túsinikler berildi.
