21 Май 2025 jıl
1586
Ózbekstan Respublikası Prezidentiniń 03.01.2025-jıldaǵı "2025-jılda respublika máhállelerinde qáwipsiz ortalıqtı jaratıw hám huqıqbuzarlıqlardıń erte aldın alıw sistemasınıń nátiyjeliligin bunnan bılay da arttırıw ilajları haqqında"ǵı PQ-1-sanlı qararı hám usı qarardıń orınlanıwın támiyinlew maqsetinde Qaraqalpaqstan Respublikası Prokurorı hám Ishki isler ministriniń basshılıǵında Nókis qalasında Ishki isler organları, Milliy gvardiya xızmetkerleriniń xızmet aldı arnawlı jıyını ótkerildi
Nókis qalası
aymaǵında jınayatshılıq hám huqıqbuzarlıqlardıń erte aldın alıw máhállelerde
júz beriwi múmkin bolǵan kewilsiz hádiyselerdi boldırmaw sonday-aq «Tún»
profilaktikalıq ilajı dawamında alıp barılatuǵın jumıslardıń nátiyjeligin
arttırıw maqsetinde Nókis qalasında Qaraqalpaqstan Respublikası prokurorı hám
Ishki isler ministriniń basshılıǵında huqıqqorǵaw organları xızmetkerleriniń
arnawlı jıyını ótkerildi. Onda xızmetkerlerge puqaralardıń túngi waqıtları
spirtli ishimlikler iship, jámiyetlik orınlarda shawqım shıǵarıp júrgen shaxslar
menen turaqlı túrde profilaktikalıq jumıslardı alıp barıw kerekligi
túsintirildi. «Tún» profilaktikalıq ilajı respublikamız boylap dawam etedi
