"Hayal-qızlar arasında aldaushılıkka karsı guresiu" aylıgı shenberinde Kanlıkol rayonında "Senin dártiń menen jasayman xayal" sureni menen xayal-kızlar forumınıń Respublikalıq 3-baskıshı otkerildi. Ilajga rayon xekimi Abubakir Ibragimov, Karakalpakstan Respublikası Ishki isler ministrinin orınbasarı Baxıtjan Izbasarov, rayonlık Ishki isler bólimi baslıgı Farxad Urumbaev, sonday-aq kala xem rayonlardagı Ishki isler bólimlerinde xızmet etip atırgan xayal-kızlar meseleleri boyınsha aga inspektorları, ken jemiyetshilik uekilleri katnastı. Onda Qaraqalpaqstan Respublikası Ishki isler ministrligi Jámiyet qáuipsizligi xızmeti Huqıqbuzarlıqlar porfilaktikası basqarması baslıǵı Rústem Eshimbetov sózge shıǵıp, Respublikamızda hayal-qızlar arasında jınayatshılıqtıń aldın alıw boyınsha ámelge asırılıp atırǵan jumıslar ham alda isleniwi tiyis wazıypalarǵa toqtap ótti. Forumnıń áyne Qanlıkól rayonında shólkemlestiriliwi tosınnan emes, sebebi rayonda jıl dawamında hayal-qızlar arasında birde bir aldawshılıq jınayatı ushıraspaǵan. Sonlıqtan da ilajda rayon xem kalalık Ishki isler bólimlerinde xızmet etip atırgan xayal-kızlar meseleleri boyınsha aga inspektorlarının jumıs netiyjeliligin arttırıu maksetinde Kanlıkól tejiriybesi prezintaciyalar arqalı jıynalǵanlarǵa usınıldı.
Elimizde náziklik tımsalı sanalǵan hayal-qızlar shańaraqta hám jámiyette óziniń unamlı isleri menen qádirlenedi. Olarǵa hár túrli huqıqbuzarlıq hám jınayatlardı islew jaraspaydı. Biraq ayırım hayal-qızlardıń bunday jolǵa kirip ketiwine qandayda bir faktor sebep bolıwı múmkin. Ilajdı ótkeriwdegi maqset mine usınday sebeplerdi óz waqtında anıqlap onıń aldın alıw, yaǵnıy hayal-qızlar arasında jınayatshılıqlardı boldırmaw hám bul jolda xızmet etip atırǵan inspektorlardıń jumıs nátiyjeliligin arttırıw bolıp tabıladı. Jıynalǵanlarǵa haqıyqıy bayram kepiyyatın inám etken forumda Ministrliktiń Aral juldızları ansambili xam rayonlıq mádeniyat bólimi xızmetkerleriniń koncert baǵdarlaması usınıldı. Ilaj sonında belsendi miynnet etip, jaksı natiyjelerge ersip atırgan xızmetkerler xoshametlenip, barlık kala xem rayonlardın Ishki isler bolimlerinde xızmet etip atırǵan hayal-qızlar máseleleri boyınsha aǵa inspektorlarına xızmet dawamında paydalanıwı ushın kompyuterler tapsırıldı.