27 Март 2025 jıl
740
Qaraqalpaqstan Respublikası Ishki isler ministriniń orınbasarı - Tergew basqarması baslıǵı tárepinen fizikalıq hám yuridikalıq táreplerdiń múrájatların kórip shıǵıw, puqaralardıń tarawǵa baylanıslı mashqalalarına unamlı sheshim tabıw maqsetinde Beruniy rayonı Xalıq qabıllawxanası imaratında gezektegi kóshpeli qabıllawı ótkerildi.
Kóshpeli qabıllaw dawamında tiykarǵı itibar, múrájat penen kelgen puqaralardıń mashqalaların ornında sheshiw hám olarǵa huqıqıy másláhátler beriwge qaratılıp, bul ushın juwapker xızmetkerlerdiń qatnasıwı támiyinlendi. Kóshpeli qabıllaw procesinde 15 ten aslam puqaranıń sud-huqıq máseleleri boyınsha múrájatları qabıl etilip, olardıń 11 i ornında unamlı sheshildi. Ayırım múrájatlardı úyreniw hám waqıt talap etiliwin esapqa alıp, juwapker uyımlarǵa tiyisli tapsırmalar berilip, orınlanıwı qadaǵalawǵa alındı hám múrájat ielerine huqıqıy túsinikler berildi.
