Qaraqalpaqstan Respublikası Ishki isler ministrliginde gezektegi Ruwxıylıq hám aǵartıwshılıq sabaqlıǵı bolıp ótti
Qaraqalpaqstan Respublikası Ishki
isler ministrliginde gezektegi "Ruwxıylıq hám aǵartıwshılıq"
sabaqlıǵı bolıp ótti. Onda Qaraqalpaqstan Respublikası Ishki isler ministriniń
orınbasarı podpolkovnik G.Eshimbetov qatnasıp, dáslep Ózbekstan hám
Qaraqalpaqstan Respublikalarınıń mámleketlik gimnleri atqarıldı. Gezektegi
Ruwxıylıq hám aǵartıwshılıq sabaqlıǵınıń teması "Xızmetkerlerdiń sociallıq
qorǵalıwı turaqlı itibarda" atamasında ministrliktiń ruwxıy-aǵartıwshılıq
jumıslar hám kadrlar menen támiyinlew xızmetiniń xızmetkeri tárepinen
xızmetkerlerge bayanat oqılıp, túsinikler berildi. Bunnan soń Ózbekstannıń
ishki siyasatı hám dúnyada júz berip atırǵan jaǵdaylar boyınsha xızmetkerlerge
tolıq maǵlıwmatlar berip ótildi. Sabaqlıqtıń ekinshi bóliminde ministrlik
kóleminde ótkerilgen tańlaw hám sport jarıslarında jeńimpaz bolgan formalarga
diplom hám aqshalay sıylıqlar tapsırıldı. Xızmetkerlerdiń qızıqlı dem alıwı
ushın kórkem óner sheberleri tárepinen nama jazıp berildi.
