"Mánawiyat aylıǵı" sheńberinde Nókis "Temurbekler mektebi" áskeriy-akademiyalıq liceyi oqıwshıları menen "Úsh áwlad ushırasıwı" bolıp ótti
Ushırasıwda Ishki isler ministrligi ruwxıy-aǵartıwshılıq isler xızmeti baslıǵınıń orınbasarı podpolkovnik A.Majidov, Ishki isler ministriniń keńesgóyi polkovnik Orınbay Turdakov, Ishki isler ministrligi veteranlar Keńesiniń baslıǵı, octavkadaǵı podpolkovnik Farxod Sankibaev hám basqa da veteranlar qatnasıp, jıynalǵanlardı Sahıpqıran Ámir Temur tuwılǵan kúni múnásibeti menen qutlıqlap, bul tarawda ámelge asırılıp atırǵan reformalar hám ózleriniń miynet jolları haqqında oqıwshı jaslarǵa aytıp berdi. Bunday ushırasıwlar ósip kiyatırǵan jas áwladtı Watanımızǵa bolǵan baylanıslılıǵın jáne de kúsheytip, olarǵa xızmet minneti hám antına sadıqlıq ruwxında tárbiyalawǵa, kásiplik jáne ruwxıy-ádep-ikramlılıq pazıyletlerin joqarılatıwǵa múnásip úles qosadı.
