2 Июл 2025 jıl
296
"30-iyun - Jaslar kúni" múnásibeti menen Qaraqalpaqstan Respublikası Ishki isler ministriniń jas xızmetkerler menen ushırasıwı bolıp ótti
Nókis
qalasında jaylasqan "Aq qus" kompleksinde Ózbekstan Respublikası
Ishki isler ministriniń tiyisli biyligine tiykarlanıp "Jaslar aylıǵı"
sheńberinde hámde "30-iyun-Jaslar kúni" múnásibeti menen
Qaraqalpaqstan Respublikası Ishki isler ministri polkovnik Baxtiyar
Torebekovtıń basshılıǵında ministrliktiń barlıq taraw xızmetlerinde jumıs alıp
barıp atırǵan jaslar menen basshı hám jaslar ushırasıwı ótkerildi. Ushırasıwda
ministr óziniń basıp ótken jolları hám qıyın dáwirlerde watanǵa sadıqlıq penen
xızmet etkenin, búgingi kúnde húrmetli prezidentimizdiń baslaması menen ishki
isler uyımlarına jaratılıp atırǵan imkaniyatlar, texnikalıq hám materiallıq
járdemler kórsetilip atırǵanın atap ótti. Jas xızmetkerler bunday imkaniyat hám
sharayatlardan tolıq paydalanıwı kerek ekenligi, jınayachılıq hám
huqıqbuzarlıqlardıń erte aldın alıwda belsendi bolıwı kerek ekenligi túsindirip
ótildi. Ilaj sońında Jaslar ministrge ózlerin qızıqtırǵan sorawlarına juwaplar
aldı. Jınayachılıq hám huqıqbuzarlıqlardıń erte aldın alıwda ózleriniń
nátiyjeli miynetlerin qosıp kiyatırǵan bir qatar jas xızmetkerler hám olardıń
ata-analarına minnetdarshılıq xatları tapsırıldı.
Qaraqalpaqstan Respublikası IIM
Málimleme xızmeti
