"Ruwxıylıq aylıǵı" sheńberinde Ellikqala rayonı Ishki isler bóliminde "Ruwxıylıq hám aǵartıwshılıq sabaǵı" ótkerildi
Ilajda Ellikqala rayonı Ishki isler bólimi baslıǵı Q.Uzaqbaev, Respublikalıq Ruwxıylıq hám aǵartıwshılıq orayı Ellikqala rayonlıq bóliminiń baslıǵı A.Matniyazova, Ishki isler bólimi baslıǵınıń orınbasarı Sh. Qaraqalpaqstan Respublikası Ministrler Keńesi Baslıǵınıń orınbasarı A.Amanov, Agentlik sistemasındaǵı Ellikqala qánigelestirilgen mektep-internatınıń joqarı kategoriyalı oqıtıwshısı hám shayır A.Reyimov, "Zakovat" intellektual klubınıń Qaraqalpaqstan Respublikası aymaqlıq koordinatorı D.Jumaniyazov hám ishki isler uyımlarınıń xızmetkerleri qatnastı. Ilaj dawamında shıǵıp sóylewshiler xızmetkerlerdiń xızmet jumısında ruwxıy-aǵartıwshılıq bilimlerdiń ornı, watansúyiwshilik ideyalarınıń áhmieti haqqında hár tárepleme sóz etti. Atap aytqanda, ózbek tili - ǵárezsiz mámleketimizdiń tımsalı, milliy maqtanıshımız hám qádiriyatlarımızdıń ajıralmas bólegi ekeni, mámleketlik tilde durıs hám erkin sóylew, jumısında tolıq hám nátiyjeli qollanıw zárúr ekenligi haqqında keń túsinikler berildi.
