Mámleketimiz basshısınıń aymaqlarda jınayachılıqtı saplastırıw hám huqıqbuzarlıqlardıń erte aldın alıwǵa qaratılǵan tapsırmalarınıń orınlanıwı boyınsha Qaraqalpaqstan Respublikası Ishki isler ministriniń orınbasarı tárepinen túngi waqıtta Tórtkúl rayonında úyreniw jumısları alıp barıldı
Ministr orınbasarı M.T.Raxmatullaev dáslep túngi xızmetke biriktirilgen xızmetkerlerdiń jumısı menen tanısıp, jámietlik tártipti saqlaw, jınayachılıq hám huqıqbuzarlıqlardıń aldın alıw, kriminogen jaǵdayı awır bolǵan aymaqlardıń turaqlılıǵın támiyinlew, túngi waqıtta jol transport hádiyseleriniń aldın alıw, háreket qáwipsizligin támiyinlew boyınsha tapsırmalar berdi. Sonday-aq, Tórtkúl rayonı medicina birlespesi hám rayondaǵı barlıq mektep imaratlarınıń qorǵalıwı hám gúzgi-qısqı máwsimge tayarlıq jaǵdayı úyrenilip, qáwipsizlikti támiyinlew boyınsha tiyisli kórsetpeler berildi. Bunnan tısqarı, Tórtkúl rayonı "Baǵjap" MPJ aymaǵında jaylasqan "Jaslıq" dem alıw baǵında jámietlik tártipti saqlaw ushın qorǵaw bóliminiń shahodatlanǵan xızmetkerin shártnama tiykarında biriktiriw, túngi jaqtılandırıw shıraqların kóbeytiw hám qosımsha baqlaw kameraların ornatıw ilajların kóriw, dem alıw baǵındaǵı attrakcionlardıń sazlıǵın turaqlı túrde tekserip barıw boyınsha tapsırmalar berildi.
