Qaraqalpaqstan Respublikası Ishki isler ministriniń orınbasarı - Tergew basqarmasınıń baslıǵı tárepinen Ámiwdárya rayonınıń kriminogen jaǵdayı awır hám "qızıl" kategoriyaǵa túsken "Nawayı" máhállesi úyreniw jumısları alıp barıldı.
Ózbekstan Respublikası Prezidentiniń 03.01.2025-jıldaǵı "2025-jılda Respublika máhállelerinde qáwipsiz ortalıqtı jaratıw hám huqıqbuzarlıqlardıń erte aldın alıw sistemasınıń nátiyjeliligin bunnan bılay da arttırıw boyınsha ilajlar haqqında"ǵı PP-1-sanlı Qararı tiykarında ámelge asırılıp atırǵan jumıslar úyrenilip, tiyisli kórsetpeler berildi. Sonday-aq, Ámiwdárya rayonı ishki isler bóliminiń jumısı úyrenilip, Ózbekstan Respublikası Prezidentiniń tarawǵa baylanıslı Párman hám Qararlarınıń orınlanıwı jáne Ózbekstan Respublikası Bas prokuraturası hám Ishki isler ministrliginiń 11.03.2025-jıldaǵı Birgeliktegi kórsetpesiniń orınlanıwın tolıq támiyinlew boyınsha ámelge asırılıp atırǵan jumıslar tekserilip shıǵıldı. Bunnan tısqarı, Ózbekstan Respublikası Ishki isler ministriniń 24.04.2024-jıldaǵı "Ishki isler uyımlarında fizikalıq hám yuridikalıq táreplerdiń múrájatları menen islesiw sistemasın jetilistiriw haqqında"ǵı 200-sanlı buyrıǵına tiykarlanıp puqaralardıń múrájatları menen islesiw jaǵdayı úyrenilip, tiyisli kórsetpeler berildi.
