Qaraqalpaqstan Respublikası Ishki isler ministrligi janındaǵı Tergew basqarması, Ádillik ministrligi hám Advokatlar palatası menen birgelikte tergewshiler hám sorastırıwshılardıń bilimin, mamanlıǵın arttırıwǵa qaratılǵan gezektegi oqıw-seminarı bolıp ótti.
Oqıw-seminar dawamında, sorastırıwshı hám tergewshilerge Ózbekstan Respublikası Bas prokuraturası menen birgelikte jaratılǵan "Elektron sorastırıw hám dáslepki tergew" málimleme sistemasındaǵı "Taqdimnoma" platformasınıń islew tártibi haqqında qánigeler tárepinen túsinikler berildi. Sonday-aq, Ózbekstan Respublikasınıń 2023-jıl 16-iyundaǵı "Mámleket esabınan yuridikalıq járdem kórsetiw haqqında"ǵı ÓRN-848-sanlı Nızamı hám Ministrler Kabinetiniń 2024-jıl 21-noyabrdegi 774-sanlı Qararı menen tastıyıqlanǵan "Mámleket esabınan yuridikalıq járdem kórsetetuǵın advokatlardı tartıw hám olarǵa haqı tólew tártibi haqqında"ǵı Rejeniń mazmun-mánisi tolıq sáwlelendirip berildi hám ámeliyatta júzege kelip atırǵan mashqalalı jaǵdaylar hár tárepleme dodalandı. Oqıw seminarınıń juwmaǵına bola, tergewshi hám sorastırıwshılar ózlerin qızıqtırǵan sorawlarına juwap alıp, óz pikir-usınısların bildirdi.
