Prezidentimizdiń "Jaza múddetin ótep atırǵan, qılmısına shın kewilden pushayman bolǵan hám dúzeliw jolına isenimli ótken bir topar shaxslardı ápiw etiw haqqında"ǵı pármanına tiykarlanıp, 488 shaxs ápiw etildi. Olardıń qatarında Qaraqalpaqstan Respublikasında jasawshı 8 puqara da bar. IIM juwapkerleri hám Respublika IIM basshılıǵı basshılıǵındaǵı jumısshı topar olardıń shańaraqlarında bolıp, shańaraqlıq sharayatlar, bar mashqalalardı úyrenbekte. Atap aytqanda, 2025-jıl 3-aprel kúni Ózbekstan Respublikası IIM Qánigeligin arttırıw institutı baslıǵınıń orınbasarı polkovnik B.Uluǵbekov basshılıǵında, Qaraqalpaqstan Respublikası IIM JQX Probaciya bólimi baslıǵı podpolkovnik B.Ubbiniyazov, rayonlıq IIB baslıqları menen birgelikte, Ámiwdárya, Ellikqala hám Tórtkúl rayonlarında jasawshı ápiw etilgen puqaralardıń halınan xabar alındı. Olardıń shańaraqlıq sharayatı hám mashqalaları úyrenildi, medicinalıq tekseriwden ótkerildi. Processlerde mámleketimiz basshısı tárepinen berilgen imkaniyatlardan aqılǵa uǵras paydalanıw boyınsha túsinikler berildi. Sonday-aq, búgingi kúnde ápiw etilgen puqaralardı sociallıq turmısqa beyimlestiriw, jumıs penen támiyinlew, áhmietli dáramat dáregin jaratıw baǵdarında tiyisli ilajlar alıp barılmaqta. Rayonlarda jasaytuǵın puqaralar menen sóylesiwde mámleketimiz basshısı tárepinen berilgen imkaniyatlardan aqılǵa uǵras paydalanıw boyınsha túsinik berildi. Sonıń menen bir qatarda olardıń bar mashqalaları tıńlanıp, zárúr járdem kórsetildi.