3 Октябр 2025 jıl
587
Qaraqalpaqstan Respublikası Ishki isler ministri hám Respublika Prokurorı Nókis qalasında jaylasqan "Xalıqlar doslıǵı" mákan puqaralar jıyını aymaǵına barıp, jınayachılıqtıń jaǵdayı hám bul baǵdarda ámelge asırılıp atırǵan jumıslar menen jaqınnan tanıstı.
Sapar
sheńberinde juwapker basshılar máhálledegi huqıqbuzarlıq jaǵdayları, olardıń
kelip shıǵıw sebepleri hám profilaktikalıq ilajlardıń nátiyjeliligin úyrendi.
Sonday-aq, xalıq hám máhálle belsendileri menen sáwbet ótkerilip, puqaralardıń
huqıqıy sanası hám jámietlik tártipti saqlawdaǵı belsene qatnasıwı dodalandı.
Ishki isler
uyımları hám prokuratura tárepinen ámelge asırılıp atırǵan jumıslar sheńberinde
jınayatlardıń aldın alıw, profilaktikalıq ilajlardı kúsheytiw, xalıq arasında
huqıqıy úgit-násiyatlawdı arttırıw máselelerine ayrıqsha itibar qaratıldı.
Bunday
sapar etiwler jınayachılıqtı azaytıw, puqaralardıń qáwipsizlik dárejesin
arttırıw hám máhállelerde turaqlı huqıqıy ortalıqtı jaratıwǵa xızmet etedi.
