Májiliske Qaraqalpaqstan Respublikası Ishki isler ministri polkovnik Baxtiyar Tоrebekov hám Shımbay rayonı hákimi Aybek Tajetdinov,  huqıq qorǵaw organları menen tiyisli mekeme shólkem basshıları, sonday-aq mákan hám awıl puqaraları jıyınları wákilleri qatnastı. Atap ótilgenindey, ayrım aymaqlarda máhálle jetiligi tárepinen huqıqbuzarlıq hám jınayatshılıqlardıń aldın alıw baǵdarında jumıslardı durıs shólkemlestirilmegenligi awır aqıbetli jınayatlardıń júz beriwine sebep bolmaqta. Sonlıqtan da májiliste mákan puqaralar jıyınları wákilleri hám birge islesiwshi uyımlardıń xızmetkerlerine júz bergen jaǵdaylardan durıs juwmaq shıǵarıp aldaǵı waqıtlarda bunday jınayatlardıń aldın alıw boyınsha tapsırmalar berildi. Ilajda atap ótilgenindey, jınayatlardıń aldın alıwda- tek ǵana huqıqqorǵaw uyımlarınan emes, bálkim har bir puqaradan belsendilik talap etedi. Solay eken átirapımızda júz berip atırǵan waqıyalarǵa biypárwa bolmawımız kerek. Sebebi jasap atırǵan aymaǵımızdıń huqıqbuzarlıq hám jınayatlardan awlaq bolıwı- ózimiz hám jaqınlarımızdıń qáwipsiz ómir súriwine xızmet etedi. Ilaj sońında aldaǵı waqıtlarda huqıqbuzarlıq hám jınayatshılıqlardıń, sonıń menen birge basqa da ayrıqsha  jaǵdaylardıń aldın alıw boyınsha jıynalǵan juwapker xızmetkerlerge wazıypalar belgilep berildi