Búgin universitettiń Matematika fakulteti studentleriniń qatnasıwında hár bır toparlarda jınayatshılıq hám huqıqbuzarlıqtıń aldın alıw, jaslar arasında huqıqıy mádeniyattı arttırıw maqsetinde ushırasıw shólkemlestirildi. Onda fakultet dekan orınbasarı J.Nizekeev, universitettiń profilaktika inspektorı I.Erejepov tyutorlar hám student-jaslar qatnastı.

 Ilajdı universitettiń fakultet dekan orınbasarı J.Nizekeev ashıp berdi hám alıp bardı. Ol óz shıǵıp sóylewinde jaslar arasında ushırasıp atırǵan huqıqbuzarlıqlar hám olardıń unamsız aqıbetleri, ádep-ikramlılıq qádiriyatlardı bekkemlew hám sociallıq belsendilikti arttırıw boyınsha pikir-usınıslar aytıp ótti.

 Bunnan soń, universitettiń profilaktika inspektorı I.Erejepov sózge shıǵıp, studentlerge ámeldegi nızamshılıq, jol háreketi qaǵıydaları, huqıqbuzarlıqlardıń aldın alıw usılları hám jámiyetlik qáwipsizlik máseleleri boyınsha túsindiriwler ótkerdi. Ilaj juwmaǵında studentler ózlerin qızıqtırǵan sorawlarǵa tolıq juwap aldı hám taraw qánigesi tárepinen berilgen usınıslar tiykarında huqıqıy sananı bekkemlew boyınsha kórsetpelerge iye boldı.