Mámleketimiz basshısınıń aymaqlarda jınayachılıqtı saplastırıw hám huqıqbuzarlıqlardıń erte aldın alıwǵa qaratılǵan tapsırmaları orınlanıwı boyınsha Qaraqalpaqstan Respublikası Ishki isler ministriniń orınbasarı M.T.Raxmatullaev tárepinen túngi waqıtta Xojeli rayonında úyreniw jumısları alıp barıldı.
Ministr orınbasarı M.T.Raxmatullaev dáslep túngi xızmetke biriktirilgen xızmetkerlerdiń jumısı menen tanısıp, jámietlik tártipti saqlaw, jınayachılıq hám huqıqbuzarlıqlardıń aldın alıw, kriminogen jaǵdayı awır bolǵan aymaqlardıń turaqlılıǵın támiyinlew, túngi waqıtta jol-transport hádiyseleriniń aldın alıw, háreket qáwipsizligin támiyinlew boyınsha tapsırmalar berdi. Sonday-aq, Xojeli rayonı 3-sanlı mektep imaratlarınıń qorǵalıwı hám gúzgi-qısqı máwsimge tayarlıq jaǵdayı úyrenilip, qáwipsizlikti támiyinlew boyınsha tiyisli kórsetpeler berdi. Bunnan tısqarı, Xojeli rayonı "Murtazabiy" MPJ Mustaqillik kóshesinde jaylasqan 3,5,7-sanlı kóp qabatlı turaq jaylardıń aldı tárepine túngi jaqtılandırıw shıraqların kóbeytiw hám baqlaw kameraların ornatıw ilajların kóriw boyınsha tapsırmalar berildi.
