3 Ноябр 2025 jıl
184
Qaraqalpaqstan Respublikası Ishki isler ministriniń gezektegi jeke qabıllawı ótkerildi
Qabıllaw procesinde xalıqtı qıynap kiyatırǵan máseleler, sonıń ishinde, ishki isler jumısına baylanıslı hár qıylı múrájatlar, sonday-aq, puqaralardıń huqıqları menen máplerin qorǵawǵa baylanıslı máseleler kórip shıǵıldı. Qabıllaw dawamında hár bir múrájat etiwshi menen óz aldına sáwbet ótkerilip, olar tárepinen bildirilgen máselelerdi ornında sheshiw hám tiyisli tártipte qadaǵalawǵa alıw ilajları kórildi. Sonday-aq, juwapker basshılarǵa múrájatlarda kóterilgen mashqalalardı sheshiw boyınsha anıq tapsırmalar berildi. Usı tárizde ótkerilip atırǵan jeke qabıllawlar puqaralar menen ashıqtan-ashıq sóylesiwdi jolǵa qoyıw, olardıń isenimin arttırıw hám jámiette huqıq-qorǵawdı bekkemlewge xızmet etpekte.
