Tańlawda iyelep turǵan lawazımına qaramastan psixologiya baǵdarı boyınsha joqarı maǵlıwmatqa ye IIB xızmetkerleri, shahodatlanǵan hám shahodatlanbaǵan psixologlar qatnasıwı múmkin.

 Tańlawdı ótkeriw basqıshları:Aymaqlıq tańlap alıw basqıshı - avgust ayında Ishki isler ministrliginiń oraylıq apparatı, onıń strukturalıq hám aymaqlıq bólimleri jáne bilimlendiriw mákemeleriniń xızmetkerleri arasında;

Respublikalıq basqısh - oktyabr noyabr aylarında aymaqlıq tańlap alıw basqıshında jeńimpaz bolǵan xızmetkerler arasında.

Tańlaw tómendegi shártler tiykarında ótkeriledi:

a) qatnasıwshılardıń psixologiya tarawın rawajlandırıwǵa qaratılǵan iskerligi;

úgit-násiyat jumısları (ǴXQda járiyalanǵan materiallar, gazeta

hám jurnallardaǵı maqalalar hám basqalar);

qatnasıwshılardıń trening, seminar, konferenciya hám basqa da ǵalabalıq ilajlarda qatnasıwı.

b) psixologiya kásibin jarıtıwǵa qaratılǵan "Eń jaqsı psixolog" shaqırıw qaǵazı videoroligi;

v) psixologiya tarawın rawajlandırıwǵa qaratılǵan ideya hám onı ámelge asırıw perspektivaları;

g) qatnasıwshılardıń bilim dárejesin anıqlawǵa qaratılǵan sınaqlar (soraw-juwaplar):

psixologiya tarawına tiyisli ishki uyımlıq hújjetler boyınsha soraw-juwaplar;

psixologiya tarawı boyınsha soraw-juwaplar.

Respublikalıq basqıshta jeńimpaz hám sıylı orın ieleri Ishki isler ministrliginiń diplom hám bahalı sawǵaları menen sıylıqlanadı.

Usı tańlawda qatnasıw tileginde bolǵan IIB xızmetkerleri 2025-jıl 5-avgust kúninen 10-avgust kúnine shekem (sol kúni de) Ministrliktiń MMI hám KBTX MMIB Psixologiyalıq támiyinlew toparına múrájat etiwińiz múmkin.

Múrájat ushın: + (99861) -229-93-40

Qaraqalpaqstan Respublikası IIM Málimleme xızmeti