Bozataw rayonında “Áhmiyetli 90 kúnlik” ilajı sheńberinde qızlar hám er ballar arasında sporttıń “Velosport” túri boyınsha jarıs ótkerildi.
Usı jıldıń 27-iyun kúni Bozataw rayonı sport mektebi menen Nókis Olimpiya hám paraolimpiya sport túrlerine tayarlaw orayı arasında eki tárpleme Memarandum dúzilgen bolıp, Memarandumǵa tiykar rayonlıq sport mektebi trenerleri hám sportshı-oqıwshılarınıń tájriybesin asırıw maqsetinde Nókis Olimpiya hám paraolimpiya sport túrlerine tayarlaw orayı trenerleri hám sportshıları menen birgelikte oqıw shınıǵıwların ótkeriw belgilengen edi. Búgin “Áhmiyetli 90 kúnlik” ilajı sheńberinde qızlar hám er ballar arasında sporttıń “Velosport” túri boyınsha jarıs shólkemlestirildi. Ótkerilgen jarısta qatnasıwshılar birinshilik ushın óz-ara bellesti. Jarıs juwmaǵında jeńimpazlar anıqlanıp, shólkemlestiriwshiler tárepinen tayarlanǵan diplom hám sawǵalar menen sıylıqlandı.
