26 Сентябр 2025 jıl
439
Tergew jumısında ámeliy kónlikpelerdi bekkemlewge qaratılǵan oqıw-seminarı shólkemlestirildi.
Qaraqalpaqstan Respublikası prokuraturasında jas tergewshiler hám sorastırıwshılardıń kásiplik sheberligin arttırıw maqsetinde gezektegi oqıw-ámeliy seminar shólkemlestirildi. Seminarǵa prokuratura, departament, ishki isler hám basqa da juwapker uyımlardıń wákilleri qatnasıp, óz-ara tájiriybe almasıwda. Kún tártibinde tergew procesinde dálillerdi durıs jıynaw, rásmiylestiriw hám dálillewdiń ulıwma shártleri, qatnasıwshılardıń roli, dálillerdi protokollarda belgilewde jol qoyılıp atırǵan mashqalalar hám olardıń sheshimleri sıyaqlı máseleler dodalandı. Seminar dawamında qatnasıwshılar ózlerin qızıqtırǵan sorawlarǵa juwap aldı hám ámeliyatta ushırasıp atırǵan mashqalalar boyınsha pikir alıstı.
