Jas qızlardı kásip tańlawǵa baǵdarlaw maqsetinde ushırasıw shólkemlestirildi.
Nókis rayonı hákimligi, Shańaraq hám hayal-qızlar bólimi menen birgelikte rayondaǵı alıs aymaqlardan biri - "Kerder" awıl puqaralar jıyınında jas qızlar ushın kásip tańlaw boyınsha úgit-násiyat ushırasıwı ótkerildi. Bul ilajdıń tiykarǵı maqseti - jas áwlad, ásirese, qızlardı túrli tarawlarda jumıs islewge, óz keleshegi ushın durıs kásip tańlawǵa ilhamlandırıw, sol arqalı olardıń sociallıq belsendiligin arttırıwdan ibarat. Ushırasıw sheńberinde túrli tarawlarda tabısqa erisken, tájiriybeli hám belsendi hayal-qızlar qatnastı. Olar ózleriniń ómir jolları, kásiplik rawajlanıwı hám tabıs sırı haqqında qızıqlı, motivaciya beriwshi shıǵıp sóyledi. Qızlar olar menen tikkeley sóylesip, sorawlar berdi, sonday-aq, túrli kásipler haqqında jańasha túsinikke ie boldı.
