Qaraqalpaqstan Respublikası Ishki isler ministrligi Ekspert-kriminalistika xızmeti xızmetkerleriniń kásiplik mamanlıǵın hám kónlikpelerin arttırıw maqsetinde teoriyalıq hám ámeliy oqıw shınıǵıwları shólkemlestirildi
Usı jıldıń 10-12-iyul kúnleri Ózbekstan Respublikası IIM Ekspert-kriminalistika bas orayı, IIM Akademiyası hám Tashkent qalası IIBB EKM qánigeleri tárepinen Qaraqalpaqstan Respublikası Ishki isler ministrligi Ekspert-kriminalistika xızmeti xızmetkerleriniń kásiplik mamanlıǵın hám kónlikpelerin arttırıw maqsetinde teoriyalıq hám ámeliy oqıw shınıǵıwları ótkerildi. Onda hádiyse ornın kózden ótkeriw, ayǵaqlı dálillerdi alıw, qadaqlaw hám operativ-izlew ilajları hám tergew háreketleri dawamında kriminalistikalıq-texnikalıq qurallardı qollanıw boyınsha sheberlik sabaqları bolıp ótti. Sonday-aq, sud fotografiyasınıń ulıwma qaǵıydaları, tergew háreketleri hám operativ-izlew ilajlarınıń dálil bazasın qáliplestiriwdegi áhmieti, jarılıw hám jol-transport hádiyseleri menen baylanıslı waqıya orınların kózden ótkeriw, tintiw hám tergew eksperimentin ótkeriw boyınsha teoriyalıq maǵlıwmatlar berildi. Oqıw shınıǵıwları juwmaǵında Qaraqalpaqstan Respublikası Ishki isler ministrliginiń Ekspert-kriminalistika xızmetiniń barlıq xızmetkerlerine "Hádiyse ornın kózden ótkeriw" boyınsha sertifikatlar tapsırıldı.
