Nókis "Temurbekler mektebi" áskeriy-akademiyalıq liceyinde "1-oktyabr - muǵallimler hám ustazlar kúni" múnásibeti menen bayram ilajı ótkerildi.
Ilajda
elimizde jańa áwlad, jańa ideya ielerin tárbiyalawday juwapkershilikli
wazıypanı atqarıwda, jas áwladtıń pikirlew dúnyasın qáliplestiriwde xızmet etip
atırǵan ustaz hám muǵallimlerdiń miynetleri sheksiz ekenligi atap ótilip,
ustazlarǵa húrmet hám izzet penen tereń minnetdarshılıq bildirildi.
Ishki isler ministrligi tárepinen bir qatar ustaz hám trenerler jumısında erisken joqarı nátiyjeleri ushın húrmet jarlıǵı hám estelik sawǵaları menen sıylıqlandı. Sonday-aq, áskeriy-akademiyalıq liceyde "1-oktyabr - ustaz hám trenerler kúni" múnásibeti menen ótkerilgen "Kewilli startlar" sport jarısında jeńimpaz komandalar da sıylıqlandı.
Bayram
ilajınıń kórkem bóliminde licey oqıwshıları tárepinen bir-birinen ájayıp
qosıq-namalar, milliy ayaq oyın hám qızıqlı saxnalıq kórinisler tamashagóylerge
bayram keypiyatın baǵıshladı.
