Qaraqalpaqstan Respublikası bajıxana basqarmasında bajıxana xızmetkerleriniń qatnasıwında gezektegi oqıw shınıǵıwı ótkerildi.

Ilajda Qaraqalpaqstan Respublikası IIM Málimleme texnologiyaları tarawındaǵı jınayachılıqqa qarsı gúresiw basqarmasınıń xızmetkeri qatnasıp, sońǵı 10 jılda dúnyada pútkil dúnya júzilik málimleme tarmaǵınan paydalanıwshılardıń sanı derlik eki esege artqanlıǵı hám xalıqtıń 62,5% yamasa 4,95 milliard adam internetten paydalanıp kiyatırǵanlıǵın málim etti.

Atap ótiliwinshe statistikaǵa bola, jer júzinde hár 39 sekundta kiberqáwipsizlikke qarsı hújim júz beredi. Ayırım esap-sanaqlarǵa qaraǵanda, 2020-jılı kiberjınayatlar aqıbetinde dúnya ekonomikasına 1 trillion AQSh dollarınan aslam zıyan jetkerilgen, 2025-jılǵa barıp bolsa bul kórsetkish 10 trillion AQSh dollarınan aslamdı quraytuǵını boljanbaqta.

Sonday-aq, "kiberjınayachılar"dan abaylı bolıw kerekligin túsindirip, tómendegi ámellerdi orınlawdı usınıs etti, atap aytqanda:

Biytanıs shaxslarǵa pasport maǵlıwmatları, karta nomeri, SMS kodlardı bermeń.

Telefonıńızǵa kelgen gúmanlı siltemeler (linkler) di baspań.

"Siz utdiniz!," "Pul ishlang!" sıyaqlı gúmanlı xabarlarǵa isenbeń.

Tek ǵana rásmiy qosımsha hám saytlardan paydalanıń.

Súykimli jaǵdayda dárhal huqıq qorǵaw uyımlarına xabar beriń.

Telegram arqalı kelgen apk fayldı ashpań.

Karta maǵlıwmatları hám parollerdi hesh kimge bermeytuǵının atap ótti.

Sonday-aq, sociallıq tarmaqlarda tarqatılıp atırǵan jalǵan wádeler hám de daǵazalarǵa isenbewi boyınsha hár tárepleme túsinikler hám kórsetpeler berip ótti. Bajıxana xızmetkerlerine rásmiy kanalǵa (https://t.me/cyber102_qriiv) aǵza bolıp, mámleketimizde júz berip atırǵan kiberjınayatlar maǵlıwmatların bilip barıwı múmkin ekenligin usınıs etti.