Ózbekstan Respublikası Prezidentiniń 2025-jıl 26-avgusttaǵı "Erkinen ayırıw jazasın ótep atırǵan, qılmısına shın kewilden pushayman bolǵan hám dúzeliw jolına bekkem ótken bir topar shaxslardı ápiw etiw haqqında"ǵı PP-148-sanlı Pármanına tiykar Qaraqalpaqstan Respublikası boyınsha jámi 13 shaxs jazadan azat etildi. Jazanı orınlaw mákemelerinen 6 shaxs azat etilip, sonnan, 2 adam dúzetiw jumısları jazasına almastırılǵan, 4 adam shártli túrde hám Qaraqalpaqstan Respublikası IIM JQX пробаciya bóliminiń aymaqlıq toparları esabında turǵan erkin sheklew jazasın ótep atırǵan qadaǵalaw astındaǵı jámi 7 adam jazadan tolıq azat etilgen. Sonıń ishinde, aymaqlıq probaciya toparları esabınan jazadan azat etilgenler Xojeli rayonında 2, Ámiwdárya rayonında 2, Nókis qalasında 1, Ellikqala rayonında 1 hám Shımbay rayonında 1 adamdı quraydı. Jazanı orınlaw mákemelerinen shártli azat etilip, aymaqlıq probaciya toparları esabına 6 shaxs alınǵan, sonnan: Shımbay rayonında 2, Xojeli rayonında 2, Taqıyatas rayonında 1 hám Beruniy rayonında 1 adamdı quraydı. Usı jıldıń 13-sentyabr kúni Qaraqalpaqstan Respublikası Ishki isler ministri polkovnik Baxtiyar Torebekov tárepinen usı ápiw etilgen shaxslar menen qayta jınayat hám huqıqbuzarlıqlardıń aldın alıw hám olardı sociallıq beyimlestiriwge qaratılǵan ushırasıw ótkerilip, olardıń mashqalalarına sheshim tabıw, olarǵa materiallıq járdemler kórsetiw boyınsha múrájatları tıńlandı hám orınlanıwın támiyinlew boyınsha juwapkerge tapsırmalar berildi.