MÁHÁLLELERDE QÁWIPSIZ ORTALIQ JARATILADI
Búgin Ózbekstan Máhálleleri awqamı Qaraqalpaqstan Respublikası basqarmasında Nókis qalasındaǵı máhálle baslıqlarınıń qatnasıwında úlgili oqıw seminarı ótkerildi.Seminarda máhálle basshılarına "máhálle jetiligi" aǵzalarınıń wazıypaların nátiyjeli shólkemlestiriw, olardıń mámleketlik uyımlar, jámietlik shólkemler, xalıq deputatları keńesleri menen birge islesiwin sistemalı jolǵa qoyıw, sonday-aq, máhállelerde qáwipsiz ortalıqtı jaratıw hám huqıqbuzarlıqlardıń erte aldın alıw sistemasınıń nátiyjeliligin bunnan bılay da arttırıw, sociallıq profilaktika obektleri menen sistemalı jumıstı shólkemlestiriw, sanlı máhálle platforması máselelerine ayrıqsha itibar qaratıldı. Seminarǵa Ózbekstan Respublikası IIM Akademiyası Fakultet baslıǵı, polkovnik S.N.Berdikulov hám Qaraqalpaqstan Respublikası IIM JQX HPB baslıǵınıń orınbasarı, podpolkovnik X.P.Reymkulovalar óz bayanatları menen qatnastı. Seminar dawamında máhálle baslıqları óz-ara pikir alısıp, bayanachı hám juwapker wákillerden ózlerin qızıqtırǵan mashqalalar boyınsha hár tárepleme juwaplar aldı.
