15 Июл 2025 jıl
391
Ózbekstan Respublikası Ishki isler ministrliginiń jumısshı toparı juwapkerleri tárepinen Qaraqalpaqstan Respublikası Ishki isler ministrligi xızmetkerleriniń qatnasıwında arnawlı oqıw shınıǵıwları shólkemlestirildi.
Ishki isler
ministriniń tiyisli biyligine tiykarlanıp Qaraqalpaqstan Respublikası Ishki
isler ministrligi xızmetkerleri ushın "Sawash quralları, arnawlı
qurallardıń taktikalıq-texnikalıq ózgeshelikleri, olardı xızmet waqtında
qollanıw tártibi hámde huqıqıy tiykarları" boyınsha oqıw shınıǵıwları
ótkerilmekte. Oqıw
shınıǵıwlarına Nókis rayonı, Xojeli hám Taqıyatas rayonlarınıń xızmetkerleri
qatnastı. Oqıw sabaǵı dawamında AKS-74 avtomatı, PM pistoletin tolıq emes
bóleklerge ajıratıw hám jıynaw, onnan paydalanıw, qáwipsizlik qaǵıydalarına
ámel etiw, arnawlı qurallar, elektroshok qurılmasın qollanıw tártibi hám
huqıqıy tiykarları boyınsha áhmietli esletpe hám kórsetpeler berildi. Processte
xızmetkerlerdiń teoriyalıq bilimleri de bahalanıp barıldı. Oqıw
shınıǵıwları respublikanıń barlıq aymaqlarında ótkeriliwi rejelestirilgen.
Qaraqalpaqstan Respublikası IIM
Málimleme xızmeti
