IIM JQD JHQX basshıları Qaraqalpaqstan Respublikasında úyreniwler ótkerdi
Sapar dawamında Qaraqalpaqstan Respublikası Ishki isler ministriniń qatnasıwında Ishki isler ministrligi Jol háreketi qáwipsizligi jeke quramı menen keń kólemli májilis shólkemlestirildi. Májiliste xızmet tártibi, kásiplik juwapkershilik, nızamshılıqqa ámel etiw hám puqaralardıń huqıqların isenimli qorǵaw máseleleri hár tárepleme dodalandı. IIM JHQB basshıları tárepinen barlıq xızmetkerlerge óz xızmet wazıypalarına shın kewilden, juwapkershilik penen qatnas jasaw zárúrligi ayrıqsha atap ótildi. Sonday-aq, tarawdaǵı bar mashqalalar, olardı saplastırıw, xızmet nátiyjeliligin arttırıwǵa qaratılǵan ilajlar boyınsha tiyisli kórsetpeler berildi. Juwmaǵında xızmet dawamında ózin úlgili jumısı, joqarı kásiplik sheberligi hám pidayılıǵı menen xızmet etip kiyatırǵan bir topar xızmetkerler IIM JHQB JQX basshılıǵı tárepinen sıylıqlandı.
