1-iyun "Xalıqaralıq balalardı qorǵaw kúni" bayramı múnásibeti menen Qaraqalpaqstan Respublikası Ishki isler ministri basshılıǵında Respublikalıq qánigelestirilgen ruwxıy salamatlıq ilimiy-ámeliy medicina orayınıń Qaraqalpaqstan Respublikası filialında emlenip atırǵan balalardı bayram menen qutlıqlap, sawǵalar tapsırıldı
Xalıqaralıq
balalardı qorǵaw kúni dúnya balaları ushın eń pák hám quwanıshlı bayram
esaplanadı. Álbette, bala – bul dúnya, bala – bul turmıs mazmunınıń ajıralmas
bólegi bolıp tabıladı. Balalar óziniń kúliwi arqalı insanlar kewilinde
turmısqa, jasawǵa bolǵan qızıǵıwshılıqtı oyatadı. Kózlerinde jaqsılıq hám mehir
urıp turǵan balalar ashıq aspanda erkin párwaz etip atırǵan qarlıǵash mısalı. Mine
usı bayram múnásibeti menen Qaraqalpaqstan Respublikası Ishki isler ministri
polkovnik Baxtiyar Torebekov basshılıǵında Respublika qánigelestirilgen ruwxıy
salamatlıq ilimiy ámeliy medicina orayınıń Qaraqalpaqstan Respublikalıq
filialında dawalanıp atırǵan balalardı bayram menen qutlıqlap, olarǵa sawǵalar
tapsırıldı hámde tezirek dúzelip ketiwine tilekleslik bildirdi
Qarakalpaqstan
Respublikası IIM Málimleme xızmeti
