Ózbekstan Respublikası Prezidentiniń 2025-jıl 3-yanvardaǵı 1-sanlı Qararınıń orınlanıwın támiyinlew hám Respublikamız aymaǵında qáwipsiz ortalıqtı jaratıw, jámietlik tártipti saqlaw, qáwipsizlikti támiyinlew hám kriminogen jaǵdaydı turaqlastırıw baǵdarında birgelikte ámelge asırılıwı tiyis bolǵan ilajlardı nátiyjeli shólkemlestiriw maqsetinde Ózbekstan Respublikası Ishki isler ministriniń 255-sanlı hám Qaraqalpaqstan Respublikası Ishki isler ministriniń tiyisli biylikleri qabıl etildi. Joqarıdaǵılardı esapqa alıp, "Qáwipsiz hám salamat el" keń kólemli operativ-profilaktikalıq ilajlarınıń 2-basqıshı usı jıldıń 15-iyul kúninen 15-avgust kúnine shekem ótkeriledi. Qaraqalpaqstan Respublikamızda bul keń kólemli operativ-profilaktikalıq ilajlardıń nátiyjeliligin arttırıw maqsetinde IIM hám basqa da huqıq qorǵaw uyımları xızmetkerleriniń qatnasıwında Nókis qalasında túngi xızmet aldınan jol-joba ótkerildi. Onda Qaraqalpaqstan Respublikası Ishki isler ministri polkovnik Baxtiyar Torebekov tárepinen túngi xızmetke tartılǵan xızmetkerlerge xızmette paydalanılatuǵın kerekli usınıslar berildi. Bunnan soń barlıq qatnasıwshılar toparlarǵa bólingen halda túngi xızmetti ótew ushın belgilengen mánzillerge qaray jol aldı. "Qáwipsiz hám salamat el" keń kólemli operativ-profilaktikalıq ilajlarınıń 2-basqıshı elimiz boylap dawam etpekte.