Shomanay rayonı ishki isler bóliminde "Úsh áwlad ushırasıwı" bolıp ótti
Shomanay rayonı ishki isler
bóliminde ruwxıy-aǵartıwshılıq ilajlar sheńberinde "Úsh áwlad
ushırasıwı" shólkemlestirildi. Bul ushırasıwda ishki isler uyımlarında
xızmet etken veteranlar, házirgi kúnde jumıs islep atırǵan xızmetkerler hám
bolajaq jas qánigeler qatnastı.
Ilajdıń tiykarǵı maqseti - jas
áwladtı watansúyiwshilik, xızmetke sadıqlıq hám xalıqqa xızmet etiw ruwxında
tárbiyalaw, tájiriybeli veteranlardıń ómir jolınan úlgi alıwǵa shaqırıwdan
ibarat boldı.
Ushırasıwda veteranlar ózleriniń
xızmet jolı dawamında arttırǵan tájiriybeleri, este qalarlıq waqıyalar hám
turmıslıq másláhátleri menen ortaqlastı. Jas xızmetkerler bolsa ózlerin
qızıqtırǵan sorawlarǵa juwap alıp, xızmettegi áhmietli tárepler haqqında tolıq
maǵlıwmatqa ie boldı.
Ilaj ashıq hám qızǵın ortalıqta
ótip, áwladlar arasındaǵı baylanıslılıq, tájiriybe almasıw hám birge islesiwdi
bekkemlewge xızmet etti.
