2025-jıldıń 5-avgust kúni Moynaq rayonı Ishki isler bólimi hám Mámleketlik qáwipsizlik xızmeti Moynaq rayonı bólimi xızmetkerleri menen birgelikte «Qáwipsiz hám salamat el» operativ profilaktikalıq ilajınıń 2-basqıshı sheńberinde «Tań» operativ ilajı ótkerildi. Onda gúmanlanıwshı esaplanǵan rayon aymaǵında jasaytuǵın 3 shaxstıń xojalıǵı kózden ótkerildi. Moynaq rayonı aymaǵında jasawshı 1991-jılı tuwılǵan shaxstıń úyinen 1 dana 16 kalibrli, 2 stvolli aw quralları, 4 dana 16 kalibrdaǵı jawıngerlik patronları, 45 dana 16 kalibrli gilzalar hám 120 gramm «Sunar» poroxı nızamǵa qayshı túrde smaqlanıp kiyatırǵanlıǵı anıqlandı. Bul zatlar qalıs gúwalardıń qatnasıwında tekserip kóriw ushın ayǵaqlı dálil retinde rásmiylestirip alındı.

Sonday-aq 1974-jılı tuwılǵan Moynaq rayonında jasawshı shaxstıń úyi kózden ótkerilgeninde onıń xojalıǵınan 50 gr Sunar poroxi, 100 gr pitra, 15 dana kortej, 22 dana 16 kalibrdegi gilza, 1 dana patron oqlawshı úskene nızamǵa qayshı ráwishte saqlanıp kiyatırǵanlıǵı anıqlanıp, bul zatlar tiyisli tártipte qalıs gúwalardıń qatnasıwında ayǵaqlı dálil retinde rásmiylestirip alındı.

Operativ ilaj dawamında Moynaq rayonında jasawshı 1972-jılı tuwılǵan puqaranıń úyinen de qural oqları, Sunar poroxi hám patron oqlawshı úskene, sonday-aq 5 dana baspası belgisiz bolǵan diniy mazmundaǵı kitaplar hám 440 litr solyarka janılǵı mayı nızamǵa qayshı ráwishte saqlanıp kiyatırǵanlıǵı anıqlandı.    Bul zatlar qalıs gúwalardıń qatnasıwında tekserip kóriw ushın ayǵaqlı dálil retinde rásmiylestirip alındı.

 Anıqlanǵan jaǵdaylar boyınsha Moynaq Ishki isler bólimi Tergew toparı tárepinen ÓzR JKniń tiyisli statyaları menen jınayat isi qozǵatıldı.