"Máhállede bir kún" - hayal-qızlardıń jámiyettegi belsendiligin asırıwǵa qaratılǵan joybar
Moynaq rayonı "Tik ózek" máhállesinde "Máhállede bir kún" joybarı ámelge asırılmaqta. Joybarǵa Moynaq rayonı Shańaraq hám hayal-qızlar bóliminiń baslıǵı B.Jamalova, deputat K.Nasirova, Moynaq rayoni IIB JQX HPB HQMB agʻa inspektori leytenant U.Uzakbergenova, rayonlıq kárxana hám mákemelerdiń xızmetkerleri hám máhálleniń belsendi hayal-qızları qatnaspaqta. Bul baslama máhálledegi hayal-qızlardıń sociallıq turmıstaǵı ornı hám belsendiligin jáne de arttırıw, olar dus kelip atırǵan mashqalalardı ornında úyreniw hám sheshim tabıw maqsetinde shólkemlestirildi. Hayal-qızlar - máhálleniń tayanısh ústini. Olar shańaraqtı bekkemlew, jaslardı tárbiyalaw, salamat turmıs tárizin qáliplestiriw hám jámiyetlik jumıslarda belsene qatnasıw arqalı jámiyettiń rawajlanıwına úlken úles qospaqta.
