26 Сентябр 2025 jıl
365
Mámleketimiz boylap jańa basqıshtaǵı "Mártlik klası" oqıwshıları ushın saltanatlı wáde beriw máresimleri joqarı dárejede ótkerilmekte
Kegeyli rayonında da bul ilaj úlken kóterińkilik penen, keń jámiyetshilik wákilleri hám ǵalaba xabar quralları qatnasıwında, rayondaǵı dıqqatqa ılayıq orında ótkerildi. Rayondaǵı 5-sanlı ulıwma bilim beriw mektebinde shólkemlestirilgen "Mártlik klası" jumısı jas áwladqa áskeriy-watansúyiwshilik ruwxın sińdiriwde áhmiyetli qádemlerden biri bolmaqta. Házirgi waqıtta bul klasta 26 oqıwshı bilim almaqta. Olar búgingi ótkerilgen máresimde saltanatlı wáde berip, Watanǵa sadıq, pidayı hám márt perzentler bolıwǵa ant etti! "Mártlik mektepleri" - bul tek ǵana áskeriy bilimler emes, al bárkamal áwladtı tárbiyalawǵa qaratılǵan iygilikli baslama bolmaqta.
