Mámleketimiz basshısınıń aymaqlarda jınayachılıqtı saplastırıw hám huqıqbuzarlıqlardıń erte aldın alıwǵa qaratılǵan tapsırmalarınıń orınlanıwı boyınsha Qaraqalpaqstan Respublikası Ishki isler ministriniń orınbasarı M.T.Raxmatullaev tárepinen túngi waqıtta Kegeyli hám Bozataw rayonlarında úyreniw jumısları alıp barıldı.
Ministr orınbasarı M.T.Raxmatullaev dáslep túngi xızmetke biriktirilgen xızmetkerlerdiń jumısı menen tanısıp, jámietlik tártipti saqlaw, jınayachılıq hám huqıqbuzarlıqlardıń aldın alıw, kriminogen jaǵdayı awır bolǵan aymaqlardıń turaqlılıǵın támiyinlew, túngi waqıtta jol transport hádiyseleriniń aldın alıw, háreket qáwipsizligin támiyinlew boyınsha tapsırmalar berdi. Sonday-aq, Kegeyli rayonı Xalkabad qalashası medicina birlespesi hám Kegeyli rayonı 19-sanlı mektep imaratlarınıń qorǵalıwı hám gúzgi-qısqı máwsimge tayarlıq jaǵdayı jáne Bozataw rayonı medicina birlespesi hám Bozataw rayonı 18-sanlı mektep imaratlarınıń qorǵalıwı hám gúzgi-qısqı máwsimge tayarlıq jaǵdayı úyrenilip, qáwipsizlikti támiyinlew boyınsha tiyisli kórsetpeler berdi.
