Nókis rayonında Qaraqalpaqstan Respublikası Ishki isler ministri polkovnik Baxtiyar Torebekov basshılıǵında, sektor basshıları, máhálle jetiligi aǵzaları hám puqaralar qatnasıwında, rayon aymaǵında júz bergen awır aqıbetli jınayatlar dodalandı.
Nókis rayonı
orayındaǵı Ruwxıylıq sarayında Qaraqalpaqstan Respublikası Ishki
isler ministri polkovnik Baxtiyar Torebekov basshılıǵında Nókis rayonı
aymaǵında
júz bergen awır aqıbetli jınayatlar dodalandı. Onda Nókis rayonı sektor basshıları,
máhálle jetiligi aǵzaları sonday-aq, rayonda jasawshı puqaralar qatnastı.
Dodalaw májilisinde Qaraqalpaqstan Respublikası Ishki isler ministri shıǵıp
sóylep, respublika aymaǵında sonday-aq, Nókis rayonında júz berip atırǵan awır
aqıbetli jınayatlar haqqında tolıq maǵlıwmatlar berilip, olardıń kelip shıǵıw
sebeplerine toqtap ótti. Awır aqıbetli jınayatlardıń erte aldın alıwda máhálle
jetiligi hám puqaralarımızdıń biypárwa bolmawın, máhállelerdi jınayattan jıraq
aymaqqa aylandırıwda olardıń járdemi úlken ekeni ayrıqsha atap ótildi.
Sonday-aq, bul baǵdarda ámelge asırılıwı kerek bolǵan wazıypalar boyınsha
juwapker basshılarǵa tapsırmalar berildi.
