ASHÍQ KÓSHPELI SUD - JASLAR USHÍN SERGEKLIK SABAǴÍ
Qaraqalpaqstan medicina institutında
Jınayat isleri boyınsha Nókis qalası sudınıń baslaması menen ashıq kóshpeli sud
májilisi ótkerildi. Onda usı sudtıń tergew sudyası R.Nazarovtıń basshılıǵında
institut studentleri tárepinen islengen huqıqbuzarlıq jaǵdayları kórip
shıǵıldı.
Atap aytqanda, eki student tárepinen telefon arqalı nızamsız diniy materiallardı kóriw hám tarqatıw jaǵdayı anıqlanıp, Ózbekstan Respublikası Hákimshilik juwapkershilik haqqındaǵı kodeksiniń 184-2-statyası tiykarında olarǵa nızamlı shara kórildi.
Ilaj dawamında basqa da hákimshilik huqıqbuzarlıq hám jınayat isleri kórip shıǵılıp, sud ashıq túrde ótkerildi. Bul sud procesi jaslar arasında huqıqbuzarlıqtıń aldın alıw hám durıs juwmaq shıǵarıw, nızamǵa húrmet ruwxında tárbiyalaw hám málimleme qáwipsizligine itibardı kúsheytiw maqsetinde shólkemlestirildi.
