Qaraqalpaqstan Respublikası prokurorı E.Tadjiev, Ishki isler ministri B.Torebekovlar tárepinen Xojeli rayonında Prezidenttiń 03.01.2025-jıldaǵı "2025-jılda respublika máhállelerinde qáwipsiz ortalıqtı jaratıw hám huqıqbuzarlıqlardıń erte aldın alıw sistemasınıń nátiyjeliligin bunnan bılay da arttırıw ilajları haqqında"ǵı PQ-1-sanlı qararı hám usı qarardıń orınlanıwın nátiyjeli shólkemlestiriw baǵdarındaǵı 04.04.2025-jıldaǵı uyımlararalıq Qospa qararda belgilengen wazıypalardıń orınlanıwı sın kózqarastan dodalandı.
Májiliste qarardıń orınlanıwına
juwapker bolǵan ministrlikler hám uyımlardıń basshı xızmetkerleri jáne Xojeli
rayonındaǵı shtab hám jumısshı topar aǵzaları, máhálle jetiligi qararları menen
tastıyıqlanǵan "Jol karta"larınıń orınlanıwı, Qospa qarar menen hár
bir ministrlikler hám uyımlarda jáne olardıń tómengi tarmaqlarında
shólkemlestirilgen tallaw toparı, úgit-násiyatlaw hám úyreniwlerdi ámelge
asırıwshı toparlardıń jumısı durıs jolǵa qoyılǵanlıǵı boyınsha respublikalıq
hám rayonlıq juwapkerlerdiń esabatları tıńlandı.
Bunnan soń, kriminogen jaǵdayınan
kelip shıǵıp, "Qızıl" kategoriyaǵa kirgen "Mádeniyat"
máhállesinde bolıp, máhálle jetiligiń tarawǵa baylanıslı birgeliktegi jumısı,
aymaqta júz bergen jınayatlardıń sebeplerin úyreniw boyınsha islengen jumıslar
úyrenildi, rayonlıq Ishki isler bólimi Náwbechilik bólimi
"E-material" elektron sistemasına kúnlik arza, xabar hám hádiyselerdiń
dizimge alınıwı menen tanıstı.
