Qaraqalpaqstan Respublikası Ishki isler ministriniń náwbettegi jeke qabıllawı ótkerildi
Mámleketimiz basshısı tárepinen xalıqtıń múrájatları menen
islesiw nátiyjeliligin arttırıw boyınsha berilgen tapsırmalardıń orınlanıwın
támiyinlew maqsetinde Qaraqalpaqstan Respublikası Ishki isler ministri
polkovnik Baxtiyar Tórebekov jeke qabıllaw ótkerdi. Qabıllawda xalıqtıń
múrájatların úyreniw, olardı nátiyjeli sheshiw, xalıq penen ashıqtan-ashıq
sóylesiw ornatıw hám anıqlanǵan mashqalalardı saplastırıw máselelerine ayrıqsha
itibar qaratıldı. Ilaj sheńberinde puqaralardan ishki isler organlarına
baylanıslı ham túrli mǝselelerdegi jámi 28 múrájat qabıl etilip, hár tárepleme
úyrenildi. Bildirilgen múrǝjatlardıń kópshiligi sol jerdiń ózinde unamlı
sheshim tapqan bolsa, ayrımlarına huqıqıy úsinikler berildi. Kórip shıǵılıwı
ushın waqıt talap etkenligi múrájatller úyreniw máselesi qatań qadaǵalawǵa
alındı.
