3 Сентябр 2025 jıl
276
Qaraqalpaqstan Respublikası Ishki isler ministriniń qatnasıwında Nókis "Temurbekler mektebi" áskeriy-akademiyalıq liceyinde jańa oqıw jılınıń baslanıwı múnásibeti menen "Bilimler kúni" hám Ǵárezsizliktiń 34 jıllıǵına baǵıshlanǵan "Watan ushın, millet ushın, xalıq ushın!" súreni astında ilaj bolıp ótti
Ilajda oqıtıwshılar, áskeriy xızmetkerler, oqıwshılar, miynet veteranları hám keń jámiechilik wákilleri qatnastı. Dáslep ilajdı Qaraqalpaqstan Respublikası Ishki isler ministri polkovnik B.Torebekov ashıp berip, jıynalǵanlardı "Ǵárezsizliktiń 34 jıllıǵı" hám "Bilimler kúni" múnásibeti menen qutlıqlap, oqıwshı jaslarǵa aldaǵı oqıwlarında úlken tabıslar tiledi. Bunnan soń liceydiń májilisler zalında oqıwshı jaslarǵa 2025-2026-oqıw jılında "Ǵárezsizlik sabaǵı" "Watan ushın, millet ushın, xalıq ushın!" súreni astında ótkerildi. Temurbekler mektebi áskeriy akademiyalıq liceyine oqıwǵa qabıl etilgen ata-analar liceyde oqıwshılarǵa jaratılǵan sharayatlar menen jaqınnan tanıstı.
