30 Март 2025 jıl
498
Qaraqalpaqstan Respublikası Ishki isler ministri ózine biriktirilgen Ájiniyaz atındaǵı Nókis mámleketlik pedagogikalıq institutı student jaslarınıń múrájatların qabıl etip, mashqalaların úyrendi.
Joqarı oqıw
orınları studentlerin hár tárepleme qollap-quwatlaw, student-jaslardı
ruwxıy-ádep-ikramlılıq pazıyletlerine unamsız tásir kórsetiwi múmkin bolǵan
ǵalabalıq mádeniyat, jat hám buzǵınshı ideyalar tásirinen saqlaw, olar arasında
radikallasıw, basqa da unamsız jaǵdaylar hám huqıqbuzarlıqlar júz beriwiniń
aldın alıw baǵdarında usı jıldıń 29-mart kúni Qaraqalpaqstan Respublikası ishki
isler ministri ózine biriktirilgen Ájiniyaz atındaǵı Nókis mámleketlik
pedagogikalıq institutı student jaslarınıń múrájatların qabıl etip,
mashqalaların úyrengen edi. Úyreniwler dawamında student jaslar Ishki isler ministrine
kontrakt pulların tólewde, jumısqa jaylastırıwda hám jeke máselelerinde
múrájatların jolladı. Ayırım múrájatlar ornında sheshildi waqıt talap
etiletuǵın múrájatlar boyınsha óz jeke qadaǵalawına aldı. Sonday-aq, student
jaslar jınayachılıq hám huqıqbuzarlıqlardan uzaq bolıwı haqqında úgit-násiyat
jumıslarında alıp barıldı.
Qaraqalpaqstan Respublikası IIM
Málimleme xızmeti
