5 Ноябр 2025 jıl
114
Qaraqalpaqstan Respublikası Ishki isler мinistrliginde Ózbekstan Respublikası Ishki isler ministriniń orınbasarınıń qatnasıwında usı jıldıń 9 ayı dawamında jınayachılıqtıń aldın alıw hám huqıqbuzarlıqlardıń profilaktikası boyınsha ámelge asırılǵan jumıslarǵa baǵıshlangan májilis bolıp ótti.
Májiliste
Qaraqalpaqstan Respublikası aymaǵındaǵı jınayachılıq jaǵdayı, onıń aldın alıw
baǵdarında ámelge asırılǵan ilajlar, sonday-aq, puqaralardıń huqıqıy sanası hám
mádeniyatın arttırıw boyınsha islengen jumıslar hár tárepleme tallandı. Sonıń menen
birge, profilaktika inspektorlarınıń jumıs nátiyjeliligin arttırıw, xalıq penen
birge islesiwdi kúsheytiw hám jınayachılıqqa qarsı gúresiwdiń jańa
mexanizmlerin engiziw máseleleri dodalandı. Májilis
juwmaǵında tarawda jumıs nátiyjeliligin bunnan bılay da arttırıw boyınsha
tiyisli juwapker basshılarǵa tapsırmalar hám usınıslar berildi. Sonday-aq,
xızmet wazıypasın hújdanlı orınlap, ózin unamlı tárepten kórsetken ishki isler
uyımları xızmetkerleri xoshametlendi.
Qaraqalpaqstan
Respublikası IIM Málimleme xızmeti
