Ózbekstan Respublikası Ishki isler ministrliginiń jumısshı toparı tárepinen usı jıldıń 5-11-avgust kúnleri Qaraqalpaqstan Respublikası Ishki isler ministrligi aymaqlıq bólimleriniń jawıngerlik tayarlıq dárejesi, jawıngerlik tayarlıǵı, náwbechilik bólim hújjetleri boyınsha alıp barılǵan úyreniw jumıslarınıń nátiyjelerine baǵıshlanǵan májilis bolıp ótti
Májilisti Qaraqalpaqstan Respublikası
ishki isler ministri polkovnik Baxtiyar Torebekov kiris sóz benen ashıp, kún tártibindegi másele boyınsha sózdi Ózbekstan Respublikası Ishki isler ministriniń orınbasarı general-mayor B.YU.Mirzaraximovqa berdi. Ishki isler ministriniń orınbasarı
general-mayor B.YU.Mirzaraximov shıǵıp sóylep, Ózbekstan Respublikası Ishki
isler ministriniń tapsırması hámde Ishki isler ministriniń orınbasarınıń usı
jıldıń 4-avgust kúnindegi tiyisli biyligi tiykarında dúzilgen jumısshı topar
tárepinen usı jıldıń 5-11-avgust kúnleri Qaraqalpaqstan Respublikası Ishki
isler ministrligi bólimlerinde jawıngerlik tayarlıq, hákimshilik imarattı
qorǵaw hám qorǵanıw, qural hám arnawlı qurallardıń saqlanıwı, jıynalǵan
otryadlardıń háreketleri, jawıngerlik hám kásiplik tayarlıǵı úyrenilgenligin
hám ámeliy járdem kórsetilgenligin aytıp ótti. Májilis sońında anıqlanǵan
kemshiliklerdi saplastırıw boyınsha juwapker xızmetkerlerge tapsırmalar
berildi.
